Mag-utol nilamon ng dagat sa Bataan

Nalunod ang magkapatid sa karagatang sakop ng Sitio Fuerte, Barangay Poblacion, Morong, Bataan nitong Black Saturday, April 4.
Ayon kay Bataan Police Provincial Office director Col. Marites Salvadora, mga estudyanteng 17 at 18-anyos ang magkapatid na residente ng Valenzuela City.
Sabi ng mga kaanak, naliligo ang magkapatid nang mangyari ang insidente.
Agad silang humingi ng saklolo at rumesponde naman ang mga tauhan ng PNP Maritime group pero hindi na rin nailigtas ang magkapatid.
Naisugod pa sa Morong Rural Health Unit ang mga biktima pero hindi na rin na-revive ng attending physician.