BIR naglunsad ng online portal sa large taxpayers

Naglunsad ang Bureau of Internal Revenue (BIR) nitong Martes, Mayo 26, ng Taxpayer Portal (TP Portal) para sa mga taxpayer na nakarehistro sa ilalim ng Large Taxpayers Service (LTS).
Sa kalatas, sinabi ng BIR na ang TP Portal ay isang secure, centralized digital platform na tutulong sa malalaking taxpayer na mapangasiwaan ang tax records at transaksyon sa iisang lugar.
Sa pamamagitan ng portal ay makikita ng taxpayer ang registration details, imonitor ang mga naihaing tax returns sa tax type, i-track ang tax payments, i-access ang account ledgers, at makatanggap ng system-generated reminders.
Layon ng plataporma na magbigay sa taxpayers at BIR ng mas consistent at organisadong tax records habang pinasisimple ang day-to-day compliance management.
Sinabi ni Finance Secretary Frederick Go na aalisin ng TP Portal ang pangangailangan para sa mga taxpayer na magkaroon ng iba’t ibang sistema, hiwa-hiwalay na rekord, at paulit-ulit na follow-ups para makumpleto ang routine tax obligations.
“Instead of going through separate platforms and scattered records, everything is now in one place. One portal. One account. One complete, reliable view of your tax records. No more unnecessary steps,” ani Go.
“To our taxpayers under the Large Taxpayers Service, your role in the country’s economy goes beyond collections,” sinabi naman ni BIR Commissioner Charlito Mendoza.
“Your discipline, consistency, and professionalism in tax compliance help reinforce confidence in the Philippines as a stable, credible, and investment-ready business environment,” dagdag ni Mendoza.