Barilan, tagaan sa Biyernes Santo: 3 sugatan

Nagtakbuhan ang mga naliligo sa isang talon nang mangyari ang pamamaril sa Barangay Cahigon, Calinog, Iloilo noong Biyernes Santo, April 3.
Sa video maririnig ang putok ng baril at makikita ang mabilis na paglikas ng mga naliligo dahil sa takot.
Sugatan ang isang senior citizen at dalawa pang lalaki nang magbarilan at tagaan ang dalawang pamilya habang naliligo.
Sa imbestigasyon ng Calinog PNP, hindi nagkaintindihan ang dalawang grupo dahil sa kalasingan.
Arestado ang isang suspek habang pinaghahanap ang dalawa pa.
Patuloy ang imbestigasyon ng Calinog PNP sa insidente.