Ginebra, tinabla ang semis nang talunin ang Rain or Shine

Tinalo ng Barangay Ginebra ang Rain or Shine, 109-101, sa Game 2 ng PBA Commissioner’s Cup Semifinals sa Mall of Asia Arena upang itabla ang laro sa 1-1.
Nanguna si Justin Brownlee na may 31 points, habang nag-ambag sina RJ Abarrientos at Japeth Aguilar para mapanatili ang kalamangan ng Gin Kings.
Sa huling quarter, humabol ang Rain or Shine mula sa 98-78 na lamang ng Ginebra at nakalapit sa 101-97 matapos ang 19-3 run may 1:37 na lang. Gayunman, hindi na sila naka abante.
Para sa Rain or Shine Elasto Painters, nanguna si Adrian Nocum na may 20 points, habang tig-19 puntos sina Jhonard Clarito at import na si Jaylen Johnson.
Sa panalo, muling naging dikit ang serye at inaasahang magiging mas matindi ang Game 3.