Eman, binati si Jimuel sa pagkapanalo vs Gates

 Wagi si Emmanuel “Jimuel” Pacquiao Jr. sa kanyang laban kontra sa Amerikanong boxer na si Darrick Gates.
As expected, naglulundag sa tuwa ang ina ng 25 anyos na si Jimuel na si Jinkee.
Samantala, umakyat naman sa ring agad si Pacman para gawaran ng halik at yakapin ang nanalong anak.
Lumapit din ang worldclass boxer kay Gates upang kamayan.
Kaagad ding naghatid ng congratulatory message ang kapatid sa ama ni Jimuel na si Eman Bacosa Pacquiao.
Sa pamamagitan ng Facebook, Eman posted: “Congratulations, Kuya Jimuel. God is good all the time!!! #victory.”
Naganap ang Pacquiao-Gates match noong Good Friday, April 3 (Black Saturday sa Pilipinas) sa Pechanga Resort Casino sa Temecula, California.
Nagwagi si Jimuel via technical knockout dahil napatumba niya ang katunggali sa ikalawang round.
Ani Jimuel: “It was good I had fun. I feel better. I guess I just need more experience!”
Ayon naman sa amang si Manny: “l am happy. The pressure is finished!”