P4.2m shabu nasamsam sa Bohol, 2 suspek arestado

Aabot sa P4.2 milyong halaga ng shabu ang nasamsam at naaresto ang dalawang hinihinalang high-value individuals sa ikinasang buy-bust operation ng PNP Drug Enforcement Group Special Operations Unit 7 (PDEG SOU7) sa Talibon, Bohol.
Kinilala ang mga naaresto na sina alyas na “Atan,” at “Dennis.”
Tinatayang 622.4 gramo ng shabu ang nakumpiska ng mga operatiba at iba pang law enforcement units noong Agosto 14 sa Purok 6, Busalian, Talibon.
Ayon sa PDEG, may standard drug price na P4,232,320 ang nakumpiskang droga.
Nasa kustodiya na ng Talibon Municipal Police Station ang dalawang suspek na mahaharap sa kasong paglabag sa RA 9165 o ang Comprehensive Dangerous Drugs Act.
Isinailalim naman sa laboratory examination ang nakumpiskang hinihinalang shabu.
====