P4.2m shabu nasabat sa driver sa Bacolod

Tinatayang P4.2 milyong shabu ang nasamsam mula sa isang 41-anyos na driver sa Barangay Villamonte, Bacolod City.
Ayon sa Philippine Drug Enforcement Agency-Negros Island Region (PDEA-NIR), nasabat ang ilegal na droga mula sa suspek na kinilalang si Jimmy noong Agosto 15.
Nakumpiska sa suspek ang anim na plastic bag at apat na sachet ng suspected shabu, na tinatayang 620 gramo, marked money at P15,000 cash.
Patuloy namang iniimbestigahan ng mga awtoridad ang background ng suspek para matukoy ang pinagmulan ng kontrabando at ang mga posibleng koneksyon nito sa ilegal na droga.
Mahaharap ang suspek sa mga kasong paglabag sa Comprehensive Dangerous Drugs Act of 2002.