Gerald Anderson may resort sa Zambales

Opisyal nang binuksan ni Gerald Anderson ang kanyang riverfront resort sa Cabangan, Zambales.
Sa isang Instagram video ng kanyang resort na Trivera Zambales, inihayag ng aktor ang aniya’y matagal na niyang pinagtatrabahuhan.
“Happy to finally share something I’ve worked hard on, built and refined to be perfect from the moment you walk through the door,” saad sa post.
“I’ve been part of this journey from the ground up, and now we’re ready to welcome you. This is Trivera,” dagdag pa nito.
Ibinida rin sa video ang magandang tanawin mula sa kanyang resort at ang maaliwalas at magandang interior ng cottage.
Sa hiwalay na Instagram post ni Gerald, ibinahagi rin niya ang ilang pasilip sa kanyang bagong negosyo at paglalarawan pa niya, “Payapa.”