Australian golfer Jessica Bang pumanaw sa edad na 18

Binawian na ng buhay ang golf rising star na si Jessica Bang sa edad na 18.

Batay sa ulat, si Jessica Bang ay nasawi sa edad na 18 dahil sa brain hemorrhage.

Nabatid na nag-collapse si Bang isang araw bago ang sasalihan sanang qualifying event sa Thailand nitong unang linggo ng Agosto. Agad itong isinugod sa ospital sa Bangkok kung saan nadiskubre ang kanyang brain haemorrhage.

Isinailalim sa emergency surgery si Bang at nanatiling nasa life support hanggang sa bawian ng buhay nitong Huwebes.

“The thoughts and prayers of everyone at the WPGA Tour of Australasia and the broader Australian golf community are with Jessica’s family, friends and all those who knew and loved her at this incredibly difficult time,” ayon sa statement.
====