Penitensya nauwi sa rambulan sa Nueva Ecija

Nauwi sa rambulan ang ilang grupo ng nagpepenitensya sa Pantabangan, Nueva Ecija matapos umanong magtalo kung sino ang gaganap na berdugo sa kanilang penitensya noong Biyernes Santo.
Sa isang viral video na in-upload ni Roja Vilar sa Facebook, makikita ang ilang kalalakihan na naghahampasan at nagbabatuhan habang pilit silang pinatitigil ng ibang indibidwal.
Kwento ni Vilar, may kanya-kanya umanong berdugo ang bawat grupo at ayaw ng kabilang grupo na payagan ang pagpapalo ng kanilang berdugo.
“Which for tatay naman, dapat di sila namimili, kasi si Jesus di naman daw namili. Yung group na may dala kay tatay, sila yung nag-tanggol sakanya. Ayun, nag-rumble na sila,” ani Vilar sa comments.