Kapitan patay sa banggaan ng 2 barko

Nagsalpukan ang isang Philippine-flagged tugboat na M/Tug Sadong 33 at ang Panamanian-flagged MV Universe Kiza sa karagatan ng Maasim, Sarangani nitong Martes, Marso 25, 2025.
Nasawi ang kapitan ng tugboat at natagpuan ang kanyang katawan sa lugar ng insidente, nguni’t hindi pa inilalabas ang kanyang pagkakakilanlan.
Iniimbestigahan ng Philippine Coast Guard (PCG) ang sanhi ng banggaan.
Anim sa walong crew ng M/Tug Sadong 33 ang nailigtas at nasa maayos na kondisyon, habang isa pa ang nawawala.
Nagpadala na ng search and rescue team ang PCG. Hindi pa natutukoy ang kalagayan ng mga tripulante ng MV Universe Kiza, ngunit tiniyak ng PCG na walang naganap na oil spill.