2 dist. engr. sibak sa nasawing lalaking nahulog sa manhole

Sinibak sa puwesto ni Department of Public Works and Highways (DPWH) Secretary Vince Dizon ang dalawang district engineer sa Pampanga dahil umano sa kabiguang ipatupad ang mga kinakailangang road safety measures sa isang highway sa Angeles City.
Agad na ipinatupad ang relief order laban kina Pampanga 3rd District Engineering Office OIC District Engineer Aser Mallari at OIC Assistant District Engineer Augustin Dagsaan Jr. matapos ang insidente ng pagkamatay ng isang lalaki na nahulog sa bukas na drainage canal.
Matatandaang nasawi noong Agosto 28 ang biktimang si Reiner Novero nang mahulog sa binahang bukas na drainage canal sa Fil-Am Friendship Highway, Barangay Cutcut, Angeles City.
Inatasan din ni Dizon ang dalawang opisyal na ayusin at i-turn over ang mga nakabinbing dokumento at gawain upang hindi maantala ang serbisyo publiko.
====