49°C init naramdaman sa Infanta, Quezon

Nakaranas ng ‘danger’ level na heat index sa 10 lugar sa bansa nitong Huwebes, Hunyo 4.
Ayon sa PAGASA, mararamdaman ang pinakamataas na heat index na 49°C sa Infanta, Quezon habang 44°C naman sa Roxas City, Capiz.
Mararanasan naman ang 43°C sa Alabat, Quezon City; Cuyo, Palawan; BIA-Daraga, Albay; at Zamboanga City, Zamboanga del Sur.
Aabot naman sa 42°C ang heat index sa Tuguegarao City, Cagayan; Mambusao, Capiz; Borongan, Eastern Samar; at Guiuan, Eastern Samar
Ang heat index na nasa pagitan ng 42°C hanggang 51°C ay nasa kategoryang ‘danger’ na mapanganib sa kalusugan na posibleng magdulot ng heat cramps, heat stress, at heat exhaustion, ayon sa PAGASA.